နွေ

Published by . . လင်းခေတ်ဒီနို . . under on 7:27 AM
.

နွေ . . .

ဒီနွေဟာ ကိုယ့်ကိုယ်
ပူလည်း ပူစေတယ်
အေးလည်း အေးစေတယ်
ရိုးတံတွေဟာ ခြောက်သွေ့ ကြွပ်ဆတ်နေပေမဲ့
လေပြည်အပြေးမှာ နွဲ့ယိမ်းနေပုံက
နွေအိုကျဲကျဲကို ချုပ်ရိုးအထပ်ထပ်သီပြီ
ကကွက်နင်းနေတဲ့ ပန်းတစ်ပွင့်လို
ကိုယ့်ကိုယ်ကို ယုံကြည်မှု့ အပြည့်နဲ့ 

အတားအဆီးမဲ့ ပြေးလွှားနေတဲ့ 
တိမ်နွယ်တိမ်ခက်တွေ . .

နေကြာပန်းတစ်ခင်းစာလောက်နဲ့တော့ 
သူတို့ကို မဆွဲဆောင်နိုင်ဘူး
လွတ်လပ်စွာပဲ 
ကွင်းပြင်တွေကို ဖြတ်သန်းပြေးလွှားလိုက်ကြတယ် ။

မိုးပြာရောင်လွင်လွင် ကောင်းကင်ကနေ
နွေကျဲကျဲရဲ့ အလင်းတန်းတွေဟာ ဖြာကျစီးဆင်းနေသလို
နွေရဲ့ နေ့ခင်းဟာ ပူသလို
နွေရဲ့ လေပြည်ဟာလည်း အေးမြနေသလို
နွေရယ် . . .
ငါ့ကို . . ခြုံပါ
မင်းရဲ့ နှလုံးသားတစ်စုံနဲ့
ငါ့ကို . . နွေးထွေးပါ
မင်းရဲ့ လက်တစ်စုံနဲ့
ငါ့အိပ်မက်ကို ရေးခြယ်ပါ
မင်းရဲ့ အပြုံးပွင့်တွေနဲ့
ငါ့ကောင်းကင်ကို လင်းခြင်းပါ ။

နွေရဲ့ ကောင်းကင်ကို ကြည့်ပြီ
လဲကျနေရာကနေ ရုန်းထဖို့
ကိုယ့်လက်တစ်ဖက်ကို အားတင်းဆွဲယူလိုက်တယ်
ဒါပေမဲ့ . . . .
လက်တစ်ဖက်က ဦးစွာ 
ကြင်ကြင်နာနာ ကိုယ့်ကိုဆွဲထူပေးခဲ့တယ် . . . . .

နွေ . . . . .
ကျွန်တော်က နှင်းစက်တွေအောက်က ဆောင်းပါ
မှုန်ဝါးဝါး မြူခိုးမြူဝေထဲကနေ ထွတ်တတ်တဲ့ကောင် မဟုတ်တော့
တခါတလေ မုတ်သုံကလေးဖြစ်ရတာကိုတောင်
ဝမ်းနည်းခဲ့ရ ။

သူမက နွေပါ . .
ရယ်သံနဲ့ ရက်ဖောက်ထားတဲ့ အလင်းတွေနဲ့ ထွန်းညှိပြီး
ကျွန်တော့်ကောင်းကင်နဲ့ တိမ်တိုက်မြို့လေးကို
နွေးထွေးစွာ တည်ပေးခဲ့တယ်
သူမဟာ ကျွန်တော်ရဲ့
. . . . နွေ . . . . 


လင်းခေတ်ဒီနို ( ၃၁.၈.၁၄ )
ဘလော့ဒေး အမှတ်တရ . . .  


ဒီညချမ်းမှာ ငါ့ကိုယ်ပေါ်ကို တိုးတိုးတိတ်တိတ် မိုးတွေရွာချပေးပါ . . .

Published by . . လင်းခေတ်ဒီနို . . under on 1:38 PM

.
. မွန်းကျပ်မှုတွေက
. စိတ်အာရုံတွေကြားမှာ
. အနီလှိုင်းတွေ အရောင်တရဲရဲ
. လွှင့်ထုတ် ပစ်ခတ်ကြ . . . ။

. ကြမ္မာဆိုးဟာ လက်တစ်ကမ်းမှာ
. အသင့်အနေအထားနဲ့
. ကျုပ်ဒူးထောက်မယ့် အချိန်ကို စောင့်နေတယ် . . ။

. ပန်ရိုင်းတွေကြားမှာ
. နဂါးတွေနဲ့ သူမ ကခုန်တာတွေ့တိုင်း
. မီးတောင်တစ်ခုပြီး တစ်ခု ပေါက်ကွဲသလို
. ကျွန်တော့် အာရုံဦးဟာ
. နီရဲ ဆွေးမြေ့ခဲ့ရ . . ။

. နိုးတ၀က် အိပ်တ၀က် မနက်ခင်းဟာ
. သူမကြောင့် ငိုခဲ့ရ
. သူမကြောင့် ပျော်ခဲ့ရ
. သူမကြောင့် လွမ်းဆွတ်ခဲ့ရ
. သူမဟာ နှင်းဆီသွေးလို ရဲတဲ့ မင်းသမီး . . ။

. ဘယ်အလင်းနဲ့များ
. ကျုပ်ကို ငြို့ငင်ထားသလဲ
. ကျုပ်ရဲ့ ၀ိညာဉ်တို့ မြေပေါ်မှာ ညွတ်တွားသွားကြ . . ။

. သူမ စိတ်ကို ငြိုငြင်အောင်လုပ်ဖို့
. ဘယ်နတ်ဘုရားမှ အားအင်မပေးနိုင်ခဲ့ဘူး
. ရင်ဘတ်ထဲ မီးပွင့် ပန်းချပ်တွေ
. အပြိုင်းအရိုင်း လွင့်ဖွာ ပွင့်ထွက်ကုန်ကြ . . ။

. နွေကိုမှ ပန်ချင်တဲ့ ကောင်မို့
. ဘယ်ဆောင်းနဲ့ ဖြန်းဖြန်း မအေးတော့တဲ့သူလေ
. အရှုံးတွေ တစ်တိုင်ပြီး တစ်တိုင်
. သူမရှေ့မှာ ဦးညွှတ်ခဲ့ကြတယ် . . ။

. ပြီးဆုံးသွားတာ သေချာပါတယ်
. အရာရာ
. ပြီးဆုံးသွားခဲ့ကြတယ် ။

. ကောင်မလေးရေ
. ကျေးဇူးပြုပြီး
. ဒီညချမ်းမှာ . . .

. ငါ့ကိုယ်ပေါ်ကို
. . . တိုးတိုးတိတ်တိတ်
. . . . . . မိုးတွေ ရွာချပေးပါ  ။

ဗညားရှိန် . . . ( ၁၉.၄.၁၄ )

Published by . . လင်းခေတ်ဒီနို . . under on 12:37 PM
.

ပန်းတွေ တေးဆိုတော့
ကြယ်တွေ ချော့သိပ်ခံလိုက်ရတဲ့ ည . . .

အလင်းတွေ အိပ်တန်းဝင်တော့
အဲဒီညမှာ
မြောက်ပြန်လေညှင်းတွေ ပြန်ရောက်လာတယ်
ဒါပေမဲ့ . . သူ ထွက်သွားတုန်းက ခေါ်သွားတဲ့
ငှက်ကလေးတွေ ၊ သူနဲ့အတူ ပြန်ပါမလာဘူး
အစိမ်းနက်ရောင်ရင့်ရင့် တောတန်းတွေက
သူတို့ချင်း နားလည်တဲ့ ဘာသာဗေဒ စကားလုံးတွေနဲ့
စကာထှာ ၀ှက်ထားကြတယ်
ကောင်းကင်ကို မော့ကြည့်ရင်း
အိပ်ပျော်သွားတဲ့ လမင်းရဲ့
ရင်ဘတ်ကို ဆွဲဖွင့်ကြည့်တော့
ညဟာ နက်သနက် နက်လာတယ်
တိတ်ဆိတ် . . . 
အေးချမ်း . . .
ကျွန်တော် အဲဒီညထဲ ၀င်ထိုင်လိုက်တယ်
ခဏကြာတော့
တောပန်းတွေ ၊ ရနံရေတံခွန်ကြီး သွန်ချလို့
ခုနှစ်စင်ကြယ်တွေ အမြီးထောင်ပြီ
ကွေးနေအောင် က သတဲ့
ဒါဟာ ဗင်းဆင့် ဗန်ဂိုး ဆွဲခဲ့တဲ့
Starry Night ပန်းချီကားမျိုးလား
ကျွန်တော်ဟာ ကောင်းကင်ဘုံတံခါးဝမှာ ရပ်ပြီ
တံခါးခေါက်ဖို့ တွေဝေနေတဲ့သူ
လှမ်းကြည့်လိုက်တော့
ကျွန်တော့် အဖြူရောင် နတ်သမီးဟာ
နေကြာပန်းပင်တွေကြားမှာ လှနေတယ်
သူမဟာ ကျွန်တော့်ကို ကြယ်တွေနဲ့ လှလှပပ ပြုစားတဲ့ည
သူမဟာ ကျွန်တော့်ကို စကာထှာတွေ တစ်ခုပြီးတစ်ခု ၀ှက်တဲ့ည
သူမဟာ ကျွန်တော့်ကို ရနံ့တွေနဲ့ ငြို့ငင်နေတဲ့ည
သူမဟာ ကျွန်တော့်ကို လေနုအေးနဲ့ နွေးထွေးစေတဲ့ ည
သူမဟာ . . . 
သူမ . . . 
.
. .
ကျွန်တော် သူမရဲ့ ရင်ဘတ်တံခါးကို ခေါက်ဖို့သင့်ပြီ


ကြယ်ကလေး တေးဆိုတော့
ပန်းလေး မျက်လွှာချရင်း ရှက်လိုက်ရတဲ့ည . . .

ဗညားရှိန် ( LKDN )
.

ကျုပ်နှလုံးသားကို ကျုပ် ဘယ်တော့မှ မညာဘူး မိအိနြေ္ဒ

Published by . . လင်းခေတ်ဒီနို . . under on 12:51 PM
.
ဘယ်လို ငြိတွယ်မှုမျိုးလဲ
ကိုယ့်ဝပ်ကျင်းထဲက ကိုယ်မထွက်ဖြစ်ခဲ့တာ
နွေမိုးဆောင်း လေးခါ ပြည့်ခဲ့ပြီ
ဒီအပြုံးနဲ့ မျက်ဝန်းတစ်စုံက
9MM ကျည်တစ်ထောင့်လို
ကျုပ်ရင်အရှေ့ကနေ အနောက်ကို ဖြတ်သန်းသွားတယ်
သွားတက် ၊ ခပ်ဟဟ ပန်းဆီနီ နှုတ်ခမ်း
ပုစွန်ဆီရောင် အကျီဟာ
ဖြူဖြူဖွေးဖွေး သူမ အသားအရည်နဲ့ သိပ်လှပလွန်းတယ်
ဒီလိုနဲ့ပဲ ရှုံးခဲ့ပြန်ပေါ့
ခင်ဗျား စားပွဲပေါ်မှာ လက်ကလေးထောက်ပြီး
သိပ်မပြုံးပါနဲ့လား
ကြာရင် ကျုပ်ရူးသွားလိမ့်မယ်
ဒီအချိန်မှာ ခင်ဗျားကို ပြောဖို့ စကားတစ်ခွန်းအတွက်
ကျုပ်ရဲ့ လက်တွေ အေးစက်နေတယ်
ကိုယ့်ကိုယ်ကိုယ် အံလည်း အံသြတယ် ၊ ပီတိလည်း ဖြစ်တယ်
ကျုပ်ကဗျာထဲ ကိုယ်ပိုင် ရင်ခုန်သံတွေ မရောဖြစ်ခဲ့တာ ကြာပြီပေါ့
အသေစောတဲ့ OP မီးတောက် ဆိုလည်း
ရောပြီ ကျေကျေနပ်နပ် ကျုပ်မော့လိုက်မယ်
ဖိန်းကနဲ့ ရှိန်းကနဲ နားထင်မှာ တက်လာတဲ့ အငွေ့က
ရင်ဘတ်စက်ခေါင်းခုတ်သံနဲ့အတူ
သွေးကျောထဲကနေ
ခင်ဗျားအရိပ် ရှိရာအရပ်ပဲ မောင်းသွားပြန်တယ်
ဒီလိုနဲ့ ကမ္ဘာကြီးက ကျဉ်းတယ်ဆိုတာ
ကျုပ်ပိုလက်ခံသွားတယ်
ကျုပ် ကော်ဖီ မကြိုက်ပေမဲ့
အခု စတားဘတ်ကို မိတ်ဖွဲ့ထားလိုက်ပြီ
ခင်ဗျားကို ပိုးပန်းနေတဲ့
ကျုပ်ရဲ့ ရန်သူတော် စာရင်းထဲမှာ
ကျုပ်နာမည်ကို ကျုပ် ထိပ်ဆုံးက ချရေးလိုက်တယ်
စိတ်ချ
အချစ်ကို ဇက်ကြိုးတပ်ပြီး ကျုပ်မမောင်းဘူး
နှလုံးသားကို ချွှန်းဖွင့်ပြီး မည်းမည်းမြင်ရာ တိုးနေတာ မဟုတ်ဘူး
ကျုပ်နှလုံးသားကို ကျုပ် ဘယ်တော့မှ မညာဘူး မိအိနြေ္ဒ
ကျုပ်ရင်ဘတ်က ချစ်ခြင်းစစ်စစ် သစ်ရွက်တစ်ရွက်
ခင်ဗျားနှလုံးသား စမ်းချောင်းပေါ် ကြွေကျခဲ့တာပါ
. . . .
ကျေးဇူးပြုပြီး
ခင်ဗျား ရင်ခုန်သံနဲ့ အတူ
ကျုပ်ကို စီးမျောခွင့် ပြုပါ ။

ဗညားရှိန် ( LKDN )
.

ကျွန်တော့် အာရုံဝပ်ကျင်းထဲမှာ သူမရှိနေခဲ့တယ်

Published by . . လင်းခေတ်ဒီနို . . under on 7:59 AM
.
ဓာတ်ပုံလေး ခိုးခိုးကြည့်ရုံနဲ့တော့
ကမ္ဘာတစ်ဖက်ခြမ်းမှာ
တဖက်သတ် ချစ်သူ ဖြစ်နေရတာပဲ 
အဖတ်တင်တယ် ။

အပြုံးမျက်နှာလေးတစ်ခုကို
တိတ်တခိုး စွဲလမ်းရတဲ့ဘ၀က
သိပ်ခက်ခဲတယ် 
ကောင်မလေးရယ် . . . . . ။
ကိုယ့်ဥယာဉ်ဆိုပေမဲ့လည်း
မင်းမနမ်းပဲနဲ့တော့ မဖူးပွင့်နိုင်ခဲ့ဘူး ။

တစ်ခါတစ်လေတော့လည်း
သက်ပြင်းတွေ ခပ်ဖွဖွလေးချရင်း
နိုးခဲ့ရတဲ့ ညတွေမှာ 
မင်းမျက်ဝန်း စိုစိုတွေ 
ကိုယ်ရင်ဘတ်မှာ ကွန်းခိုနေခဲ့တယ် ။

လမင်းကို ပန်တဲ့မိန်းကလေး
မင်းရဲ့ ဖြူတစ်ဝက် နီတစ်ဝက်
မျက်နှာလေးနဲ့ပဲ
ငါ့ကောင်းကင်မှာ ကြယ်တွေ 
လင်းလင်းခြင်းခြင်း ပွင့်ပစ်လိုက်ရတာ
ရင်ခွင်တစ်ခုလုံးမှာ
မျှော်လင့်ချက်တွေ မိုးစိုလို ။

စံပယ်လိုဖွေး ၊ ခရေလိုမွှေးပြီး
နှင်းဆီလို အလှတွေနဲ့ 
ကိုယ့်ရဲ့ အာရုံဝပ်ကျင်းထဲ ခိုးဝင်လာတဲ့
ကောင်မလေး . . . .
တနင်္ဂနွေမီးတောက်နဲ့
ဆောင်းဦးပေါက် အရက်တစ်အိုးလို
ကိုယ့်နှလုံးသားကို မီးရှို့ရစ်မူးစေခဲ့ပေါ့ ။


ဗညားရှိန် ( လင်းခေတ်ဒီနို )
.