အမှတ်တရတွေကို ပြန်ရှာဖွေကြည့်ကြသူများ . . .

ရှည်မျောမျောသဏ္ဍာန်နဲ့ ဖြတ်ကာ သွယ်တန်းနေတဲ့ တောင်ညို တောင်တန်း . . . စိမ်းမြမြအရိပ်တွေနဲ့ အေးချမ်းသာယာ လှတဲ့ တောင်ဝိုင်း တောအုပ်လေး . . . အထ္တရံမြစ် ၊ ဂျိုင်းမြစ် ၊ သံလွင်မြစ်တို့ရဲ့ အလှတရာတွေ ပေါင်းဆုံရာ နေရာ . .

မြန်မာသက္ကရာဇ် ၁၃၄၆ ခုနှစ် ပြာသိုလဆန်း ၁၀ ရက်နေ့ ၊ ရောင်နီဦးတို့ ပျိုးခင်ရာ နံနက်ခင်း ၉း၃၀ အချိန် . မောရမြိုင်လို့ ခေါ်တွင်ခဲ့တဲ့ မော်လမြိုင်မြိုလေးမှာ ကိုလိုနီလက်ထက် ကတည်းက တည်ဆောက်ခဲ့တဲ့ အမေရိကန်ဆေးရုံမှာ ကျွန်တော့်ကို ကျေးဇူးရှင် မိဘ နှစ်ပါးက လောကကြီးထဲကို မွေးဖွားသန့်စင် ပေးခဲ့တယ် ။

ကျွန်တော်က ငယ်ငယ်ကတည်းက ဆိုးတဲ့ ကလေးပါ ။ အဆော့လည်းသန်တယ် ။ ဘယ်လောက်ထိ ဆိုးလဲ ဆို ကျနော့်မှာ ခြေ ၊ လက် ၊ ခေါင်း . . သုံးနေရာလုံး ဒဏ်ရာ မဖြစ်ဘူးတဲ့ နေရာ မရှိဘူးလေ ။ မှတ်မှတ်ရရ ဆိုပေမဲ့ နေ့စွဲ အတိအကျတော့ မမှတ်မိဘူး ။ ကျွန်တော် လေးနှစ်သား အရွယ်ပေါ့ ။ ကျောင်းကြီးမတက်ခင် အင်္ဂလိပ်စာ ကြိုသင်ထားမယ်ဆိုပြီး မေမေက အင်္ဂလိပ်ကပြား ဘိုမ ဆရာမဆီမှာ စာသင်ဖို့ အပ်ခဲ့တယ် ။ အဲဒီ ဆရာမဆီမှာ အရမ်းလှ အရမ်းချစ်ဖို့ ကောင်းတဲ့ အဲဇေးရှင်း ခွေးနှစ်ကောင်ရှိတယ်ဗျ ။ ဘလက်ကီ နဲ့ ၀ှိုက်တီ ဆိုပြီး အထီး အမ နှစ်ကောင်ပေါ့ ။ ဘလက်ကီက အထီးပီပီ နည်းနည်းဆိုးတယ် ။ ၀ှိုက်တီကတော့ အရမ်းလိမ္မာတဲ့ ခွေးမလေးပါ ။ အရင်တုန်းကဆို ဆရာမက ကျွန်တော် စာလာသင်ရင် သူ့ခွေးတွေကို လှောင်အိမ်ထဲ ထည့်ပြီး သော့ခတ်ထားလေ့ ရှိတယ် ။

တစ်နေ့ ကျွန်တော် စာလာသင်တဲ့အချိန် ဆရာမလည်း ဧည်သည်လာတာနဲ့ ကြုံနေလို့ ခွေးတွေကို လှောင်အိမ်ထဲ မထည့်မိဘူး ။ ကျွန်တော် စာသင်တဲ့ ခုံလေးက ကလေးထိုင်တဲ့ ခုံဆိုပေမဲ့ အနည်းငယ်မြင့်နေလို့ ကျွန်တော့် ခြေထောက်က ကြမ်းပြင်နဲ့ မထိပဲ လွတ်နေတယ်ဆိုပါတော့ ။ ဒီတော့ ကျွန်တော် စာသင်နေတုန်းမှာပဲ ဘလက်ကီက ကျွန်တော့် ခုံအောက်ဘေးနားလေးမှာ လာထိုင်နေတယ် ။ ကျွန်တော်ကလည်း ကလေးပီပီ စာသင်ရင်း အင်္ဂလိပ်ကဗျာတွေ ဖတ်ရင်းနဲ့ ခြေထောက်လေးကို အရှေ့ အနောက် လွှဲပြီး ဆော့နေမိတယ် ။ စားပွဲ ဘေးမှာ ခွေးရှိနေမှန်း သိပေမဲ့ ဘာမှ မလုပ်လောက်ဘူးလို့ ထင်နေတာ ။ ဒါကို ဘလက်ကီက ဘေးနားက ကြည့်ရင်း မျက်စိ နောက်လာတာလား စိတ်တိုလာတာလားတော့ မသိဘူး . . ၀ုတ် ကနဲ့ ကျွန်တော့် ညဘက် ခြေထောက်ကို ဆွဲကိုက်ပြီး ခဲ ထားပါလေရော ။ ဆရာမ အော်လည်း မလွှတ်ဘူး ဆက်ခဲထားပြီး သူ့ ခေါင်းကို ဆွဲဆွဲ ခါတာ ။ နောက်ဆုံး ဆရာမက ဘေးနားက ကြိမ်လုံးနဲ့ ဘလက်ကီကို ရိုက်တော့မှပဲ လွှတ်ပေးတော့တယ် ။

ဆရာမလည်း ချက်ချင်း ကျွန်တော့်ကို ချီပြီး တဖက်လမ်းက ဆေးခန်းကို ပြေးရတော့တာပဲ ။ ဒီလိုနဲ့ပဲ ကျွန်တော် ဆေးခန်းမှာ ၇ ချက် ချုပ်လိုက်ရတယ် ။ တကယ်ပါပဲဗျာ လေးနှစ်သား ကျွန်တော်နဲ့ အရွယ်ေ၇ာက်ပြီးသား အယ်ဇေးရှင်းခွေး ယှဉ်လိုက်ရင် လေးနှစ်သား ကျွန်တော်က အရွယ်အစား တ၀က်နီးပါးလောက် ငယ်မယ် ထင်ပါတယ် ။ ဘလက်ကီရဲ့ တစ်ကိုက်ဟာ ကျွန်တော် ညဘက်ခြေသလုံး တစ်ခုလုံးရော ခြေဖျားကိုပါ ကိုက် ခဲထားနိုင်လောက်အောင် ကြီးပါတယ် ။ အခုထိ ညဘက် ခြေသလုံးမှာ အမာရွတ်အကြီးကြီး ရှိနေပါသေးတယ်ဗျ ။ ဒါနဲ့ပဲ ကျွန်တော်ဟာ ငယ်ငယ် ကတည်းက ခွေးနဲ့အပြိုင်မိုက်ခဲ့ဖူးတယ် ဆိုပါတော့ဗျာ ။

နောက်တစ်ခုက ကျွန်တော် ရက်စွဲတွေတော့ သေချာမမှတ်မိတော့ဘူးဗျ . . . ကျွန်တော် ၃ တန်း အရွယ်မှာ ဆိုပါတော့ ။ တနင်္ဂနွေနေ့ တစ်ရက်ပေါ့ ။ ဖေဖေနဲ့ မေမေက အလုပ်ကိစ္စလေးရှိလို့ ကျွန်တော် နဲ့ ကျွန်တော် ညီကို မေ့မေ့ရဲ့ မောင် ၊ ကျွန်တော့် အန်းကူ အိမ်မှာ ထားခဲ့တယ် ။ အန်းကူရဲ့ အိမ်က ခြံဝင်းကြီးနဲ့မို့ တော်တော်ကျယ်တယ် ။ ရွှေမြိုင်မြို့က ခြံနဲ့ ၀င်းနဲ့ အိမ်ပီပီ တစ်ထပ်တိုက် ဆိုပေမဲ့ အနည်းငယ် မြင့်မြင့်လေး ဆောက်ထားပါတယ် ။ နောက်ပြီး အိမ်တံစက်မြိတ် ပတ်ပတ်လည်မှာ ၁ ပေလောက်ကျယ်ပြီး ၁ ပေလောက်နက်တဲ့ မြောင်းကို အုတ်ဘောင်လေးခတ်ပြီး လုပ်ထားပါတယ် ။

ဒီတော့ ကျွန်တော်က အိမ်ထဲ ပြတင်းပေါက်ကနေ ခွေးခြေခုံလေး ခုပြီး မြောင်းထဲကို ငါမျှားတမ်းဆော့ပါတယ် ။ မြောင်းဘောင်နဲ့ ပြတင်းပေါက် အမြင့်က ၅ပေ သာသာလောက်တော့မြင့်မယ် ထင်ပါတယ် ။ မိုးတွင်းမို့လို့ မိုးပက်တော့ ပြတင်းပေါက် အောက်ခြေနားမှာ မိုးရေတွေနဲ့ ချောနေတယ်ဆိုပါတော့ဗျ . . ။ အဲလိုချောနေတာကို ကျွန်တော်က ဂရုမစိုက်ပဲ ပြတင်းပေါက်ကို ကျော်ပြီး ငါးမျှားဖို့ပဲ အာရုံစိုက်နေတာ ။ ပြတင်းပေါက် အမြင့်ကို ကျွန်တော့် အရပ်က မမှီတော့ ခွေးခြေ ခုံလေးခု ၊ ပြတင်းပေါက်ကနေ ငါးမျှားတံလေး ထုတ်ပြီ အရှေ့ကို ကုန်းကြည့်ရင်း ငါးမျှားပါတော့တယ် ။ ဒီလိုနဲ့ အပြင်ဘက်ကို ကုန်းကြည့်ရင်း ကြည့်ရင်းနဲ့ ၀ုန်း ကနဲ့ဆို အရှိန်လွန်ပြီး ပြတင်းပေါက်ကနေ ဇောက်ထိုး ကျသွားတော့တာပဲ ။ ကျသွားပြီးပြီးခြင်း ဂွပ်ခနဲ ဆို အသံတခုကြားလိုက်ပေမဲ့ ၊ ဘာမှ မဖြစ်တာနဲ့ ချက်ချင်းပြန်ထပြီး လှုပ်လှုပ် လှုပ်လှုပ်နဲ့ ခြံထဲနေ အိမ်ရှေ့ကို ပတ်ပြီး ပြန်ထွက်လာတယ် ။ အိမ်ရှေ့ တံခါးပေါက် ရောက်တော့ တံခါးဝမှာ ထိုင်နေတဲ့ အမ၀မ်းကွဲက “ ဟဲ့ မောင်လေး နင် ဘာတွေ ဖြစ်လာတာလည်း . . မေမေရေ မောင်လေး ခေါင်းမှာ သွေးတွေနဲ့ ” ဆိုပြီး ထ အော်တော့မှ အန်တီက သဘက်နဲ့ ခေါင်းကို အုပ်ပေးပြီး ဆေးခန်းပြေးပါလေရော ။ ဒီလိုနဲ့ပဲ အမောင် ကျွန်ုပ် ခေါင်းမှာ ၆ ချက် ချုပ်လိုက်ရပြန်ပါတယ် ။

နောက်တခုက ၅ တန်းမှာပါ ။ မေမေတို့က မော်လမြိုင် အောက်ဈေးမှာဆိုင်ဖွင့်တဲ့သူတွေဆိုတော့ ကျောင်းပိတ်ရင် ကျွန်တော်တို့ မောင်နှမတွေ ဆိုင်လိုက်သွားလေ့ရှိတယ် ။ ပြီးတော့ တစ်နေကုန် ဈေးမှာ ပတ်ပြီး လိုက်တမ်း ပြေးတမ်း ကစားကြလေ့ရှိတယ် မောင်နှမ ၀မ်းကွဲတွေ ။ တစ်နေ့တော့ ညနေ ဆိုင်သိမ်းခါနီးအချိန် မမ နဲ့ ကျွန်တော်လိုက်တမ်းပြေးတမ်းကစားကြတော့ မမက လိုက်ရသူပါ . . ဒီတော့ ကျွန်တော်က ရှေ့ကနေ ပြေးတာပေါ့ . . ပြေးရင်း နဲ့ မမကို အနောက် ပြန် လှည့်လှည့် ကြည့်တယ် ။ အဲဒီအနောက်ပြန်လှည့်ကြည့်ချိန်မှာ ရှေ့နားမှာ ရပ်ထားတဲ့ ဆိုင်ကယ်ကို မမြင်ပဲ ဆိုင်ကယ်ဒေါက် နဲ့ ခြေထောက် ချိတ်မိပြီး မှောက်ရက် လဲကျသွားပါတယ် ။ လဲကျတဲ့ အခါ ကျွန်တော် ညဘက်ပဲ လက်ဖ၀ါး ထောက်ကျပြီး ဘယ်ဘက်လက်က တံတောင်းဆစ်နဲ့ ကျပါတယ် ။ ဈေးရဲ့ လမ်းတွေက ကွန်ဂရစ် အပြည့်ခင်းထားတော့ ကျွန်တော့် ဘယ်လက် တံတောင်ဆစ် က တော်တော် နာသွားပါတယ် ။ ဒါနဲ့ မမက ကျွန်တော်ကို ထူပြီး မကစားတော့ဘူး ဆိုင်ပြန်မယ် ဆိုပြီး နှစ်ယောက်သား ဆိုင်ပြန်လာကြတယ် ။ ဆိုင်ရောက်တော့ ကျွန်တော့် တံတောင် ဆစ်က တဖြည်းဖြည်း ယောင်လာပြီး အကွေး အဆန့် သိပ်လုပ်လို့မရတော့ပါဘူး ။

ဒါနဲ့ မေမေက . . သား မင်းလက် ဘာဖြစ်တာတုန်း ယောင်ကိုင်းနေတယ်ပါလား ဆိုတော့မှာ . . သား လဲကျသွားလို့ မေမေ ဆိုပြီး ပြောပြတယ် ။ ဒါနဲ့ မေမေက ကျွန်တော်ကို ခေါ်ပြီး ဆေးခန်း သွားပြ ၊ ဓာတ်မှန် ရိုက်တော့မှ ဘယ်လက် တံတောင်ဆစ် အဆစ်လေး ထက်ခြမ်းပဲ့ထွက်သွားတာ ။ ဒါနဲ့ ဆေးရုံတက်ပြီး ခွဲရတော့တာပဲ ။ ခွဲတဲ့အခါ အရိုးနှစ်ခြမ်း ပြန်ဆက်ဖို့ စတီးချောင်းလေး အထဲမှာ ခံပြီး တေ့ ဆက်ရပါတယ် ။ ပြီးတော့ စတီးချောင်းကို အထဲမှာပဲ ထားပြီး ပြန်ချုပ် ကျောက်ပတ်တီ တစ်လလောက်ကိုင်ထားရတယ် ။ အရိုးဆက်သွားတော့မှ ကျောက်ပတ်တီးဖြည် စတီးချောင်းလေး ပြန်ထုတ်ပြီး တခါ ပြန်ချုပ်ရပါတယ် ။ ဒီလိုနဲ့ပဲ ကျွန်တော် ဘယ်လက် တံတောင်ဆစ်မှာ ကင်းခြေများ ခြေရာတွေလို ချုပ်ရာ ၉ ချက်နဲ့ အမာရွတ် ရှိနေပြန်ပါတော့တယ် ။ ကျွန်တော် ဆိုတာ ငယ်ငယ်တည်းက အဲဒီလို ဆိုးတဲ့ ကောင်လေး တစ်ယောက်ပေါ့ဗျာ ။

နောက်တစ်ခုက ကျွန်တော်ဟာ ၂၀၀၁ ခုနှစ် ဇူလိုင်မှာ တက္ကသိုလ်ဝင်တန်း စာမေးပွဲကို ထူးထူးချွန်ချွန်ပဲ အင်္ဂလိပ်စာ မော်ဒရေးရှင်း နဲ့ အောင်မြင်ခဲ့ပါတယ် ။ ဒါပေမဲ့ အခုတော့ အဲဒီ အင်္ဂလိပ်စာ မော်ဒရေးရှင်းနဲ့ အောင်ခဲ့တဲ့ သူက အဂ်လိပ်လိုပြောနေရတဲ့ နိုင်ငံကို မမျှော်လင့်ပဲ ရောက်လာခဲ့ရပြီး Yes or No နှစ်လုံးတည်း နဲ့ အင်္ဂလိပ်နိုင်ငံ တစ်ခုလုံးကို ပတ်နေပါကြောင်း ပြောရင်း ကျွန်တော် ငယ်ငယ်က ဆိုးပေခဲ့တာလေးတွေကို အမှတ်တရ ပြန်တွေးမိလိုက်ပါတယ်ဗျာ ။

အခုလို ကျွန်တော့်ကို တဂ်တဲ့ သူငယ်ချင်းလည်းဖြစ် ဂျီးတော်လည်း ဖြစ်တဲ့ မိုးခါးကို ကျေးဇူးတင်ပါတယ် ။ ပြီးတော့ ကျွန်တော် ဆက်တဂ်ချင်တဲ့ ဘလော့ သူငယ်ချင်းမောင်နှမများဖြစ်ကြတဲ့ ဂျယ်လီ ပစ်ပစ် ၊ ယွန်း ၊ မြတ်ပန်းနွယ် တို့ကို ခင်မင်စွာနဲ့ ရေးပေးပါဦးလို့ တဂ်လိုက်ရပါတယ် ခင်ဗျာ ။

နွယ် . . .

ညဟာ ညအတိုင်း တိတ်တိတ်လေး လင်းတယ်
ညဟာ ညမှန်း သေချာကြောင်း ပြဖို့
အလင်းရောင် ဖြောက်ဖြာက်နဲ့ အမှောင်တွေ ကြဲချတယ်
ညဟာ ညမှန်း သိအောင် ခရေတွေ ၀ုန်းဒိုင်းကြဲ
တခါတလေ ကြယ်အလင်းတစ်သိုက် နဲ့ တိမ်ညိုတွေကို စီးချင်းထိုးတယ် . . .

ညမှာ
မုတ်သုံ အလင်း တဖြက်ဖြက် လင်းလို့ လာနေပြီ
လ အလင်းဟာ အမှောင်ထဲသို့ ဆွဲခေါ်ခြင်းခံလိုက်ရတယ်
လေပြေဟာ မာန်စိုင်းပြီ
နှင်းဆီရိုင်းကိုမှ ပန်လာသတဲ့ . . .
နက္ခတ်တွေ ၀ုန်းး ဒိုင်း ပစ်ခတ်
သင်းကွဲ လူတစ်ယောက်ကိုမှ ခြောက်လှန့်နေခဲ့တာလား
ညနေအိုအိုမှာ နတ်ဆိုးတို့ ရိုင်းချင်တိုင်း ရိုင်းနေခဲ့ကြပြီ ။

အမှောင်အိုထဲက လူ
မလင်းတဲ့ မီးတွေနဲ့ ရင်ဘတ်ထဲ တောက်လောက်နေတယ်
အလွမ်းတွေ အုံ့ဆိုင်း ညွှတ်ဖွား
အလင်းမဲ့ လူသားတစ်ယောက်
အာဒံရဲ့ပန်းသီးကို မကိုက်ပဲ
နှလုံးသားကို အခမ်းနားဆုံး သဂြိုလ်ခံလိုက်ရတယ်
နာကျင်မှုဟာ ခွါသံတဖြောင်းဖြောင်းနဲ့
သူ့ဆီ ပြေးဝင်လာခဲ့ပေါ့ ။

အရာရာဟာ ဝေေ၀၀ါးဝါး
အိပ်မက်တွေ မချိုတဲ့ နောက်တော့
မိုးကြိုးသွားတွေ တလဲ့လဲ့ထစ်ချုန်း
ရင်ဘတ်ထဲကို အမုန်းဓားသွားတွေ အဆုံးထိ နှစ်မြုပ်ပစ်ခဲ့တယ်
မျက်လုံးကို စုံမှိတ် ခေါင်းငိုက်စိုက်ရင်း
သူ့ လက်ကလေးမှာ နောက်ဆုံး ကိုင်ထားခဲ့တာက
နွယ် . . . . . . . ။


လင်းခေတ်ဒီနို ( 18.1.12 ၊ 12း00 PM )

နထ္ထိ ကဗျာဆရာ

အခန်း ၁ ။ အခန်းခွဲ ၁၆ ။
မနက်ခင်း အာရုံ
အိပ်မှုန်စုံမွှား ဘုန်ကြီးကျောင်းသား
အော်နေတာက
“ ဗျိုးးး တော်းးးး ဆွမ်းးးးးးးးးး ”
ကြားလိုက်ရတဲ့ ကြေးစည်သံ တစ်ချက်
ဒီလို အလွဲနံနက်ခင်းနဲ့ နိုးထလာရ
မြောက်ဒဂုံ ၊ ၇ ၈ လမ်းဆုံ ၊
ဒေါ်ဂွက် ဗရာကြော် ၊ ခွါညိုမ မုန့်ဟင်းခါး
ချစ်စံဝင်း 45 ၊ 92 ၊ ဖာလာ ၊ ဆစ်ကနဲ
အညာသား ကဖီး
ကျွန်တော့်အရှေ့က ကျစိမ့်
နို့စိမ်း တစ်ပေါက် နှစ်ပေါက်
ဘေးနားက သကြားပလာတာစားရင်
နွားပလာတာ စားသလို ဖြစ်နေမလား
ဒီမနက် ၂၀၅ လိုင်းကား လူမချောင်ဘူး
အိတ်ကပ်ထဲက ၅၀ တန်
မိတ်အင် ဘားမား
တိတ်ပ် တစ်ချက် နှစ်ချက်လောက် ဆွဲစိထားတယ်
လွန်ခဲ့တဲ့ ၅ နှစ်
တ ချိန် တုန်း က
နထ္ထိ ကဗျာဆရာ ။

အခန်း ၂ ။ အခန်းခွဲ ၂၃ ။
အရာရာ Out of date ဖြစ်နေတဲ့ ရန်ကုန်
Over date နဲ့ အသားကျနေတဲ့ ကဗျာဆရာ
ဖရေဇာ လမ်းဘေး ၃ ထည် တစ်ထောင် ဂျင်းပန်
သူ့အတွက်တော့ ဂျော်ရမ်းဒိုး ပဲ
R တံဆိပ်လေးတောင် ပါလိုက်သေးတယ်
ဘားလမ်း ၊ မြစံပယ် ကဖီး အပေါ်ထပ်
နံနက် ၁၀ နာရီ တိတိ
ချိန်းထားတဲ့ အတိုင်း နောက်ကျတတ်တဲ့ နိယာမ
၁၁ နာရီ ၃၀ မှာ လူစုံတယ်
အခမ်းအနားမှုး သူရဿဝါ အမှားး စကားပြောကြားတယ်
၁၁ နာရီ ၄၅ အစည်းအဝေးစတယ်
၁၂ နာရီ တိတိ နေ့လည်စာ ပြန်ဆင်းတယ်
ဒီလို အသင်းထဲ ၀င်ရင် ဘာဖြစ်သွားမလဲ
ဥက္ကဌ နာမည်က “ လူလိန် ”
ဒါနဲ့ပဲ အသင်းထဲ ၃ နှစ်ကြာသွားခဲ့တယ်
တ ချိန် တုန်း က
နထ္ထိ ကဗျာဆရာ ။

အခန်း ၃ ။ အခန်းခွဲ ၁၉ ။
မြကျွန်းသာ ၊ တနင်္ဂနွေ
နွေရာသီ နန်းတော်
လမ်းနီ မှတ်တိုင်
အစဉ်အလာကို မဖျက်တဲ့ လူတစ်အုပ်
အစည်းအဝေး ပြီးတိုင်း
လမ်းသလား တတ်တဲ့ ခြေထောက်များ
“ ဒိန်း ”
မျက်ဝန်းတစ်စုံ ၊ သွားတက်
ပေါ့ပေါ့ပါးပါး ပြည်သူ တစ်ယောက်ရဲ့အပြုံး
အနက်ရောင် ကျောပိုးအိတ်
နွေခေါင်ခေါင် ရွာချတဲ့ မိုး
ချားရဟတ်က မိုးမလုံ လေမလုံ
ထီးတစ်ချောင်း လူနှစ်ယောက်
စကားလုံးတွေကို အဓိပ္ပါယ် ဖော်ခဲ့ကြ
ဒီဇာတ်လမ်းက
ပထမမြောက် အသည်းတံခါးကို ဆွဲဖွင့်ခြင်းနဲ့
ပထမမြောက် နာကျင်ခြင်းဆိုတာ ကြိုသိခဲ့မည် ဆိုလျှင်
တ ချိန် တုန်း က
နထ္ထိ ကဗျာဆရာ ။

အခန်း ၄ ။ အခန်းခွဲ ၁၁ ။
လေယာဉ်ပျံဆိုတာ ခေါင်းနဲ့ ထိုးတက်ပြီး
ခေါင်းနဲ့ ထိုးဆင်း တဲ့ကောင်
အဲဒါကြီးကို ပထမဆုံး အကြိမ်စီးခြင်း
တလှပ်လှပ် တလှပ်လှပ်
ဒါနဲ့ပဲ ကမ္ဘာ အရှေ့ခြမ်းကနေ
အနောက်ခြမ်းကို ရောက်သွားခဲ့
ကယ်လီဖိုးနီးယား ၊ Termenal 6
Rest Room ဆိုတာ နားနေခန်း
Toilet ကိုလိုက်ရှာနေတဲ့သူတစ်ယောက်အကြောင်း
တစ်နေ့တာကို နေ့နဲ့ည မှား
နောက်တစ်နေ့တာကို ညနဲ့ နေ့မှား
ဒီလိုနဲပဲ ဟော့ဒေါ့ဆိုတာ စားတတ်ခဲ့တယ်
နယူးယောက်ဆိုတာ အကြွေးတွေ ထူထပ်နေတဲ့နေရာ
ရောမရောက် ရောမလိုကျင့်ရတာပဲ
ကမ္ဘာသစ်လို့ တင်စားခေါ်ဝေါ်တဲ့နေရာ
ခရက်ဒစ်အသစ်တွေနဲ့
အကြွေးတွေလည်ပင်းနစ်နေတဲ့သူ
မနက်စောစောစီးစီး တွေသမျှလူကို
“ ဟိုင်းး ဟောင်း အာ ယူး ”
ဒီလိုနဲ့ . . .
ဒီလိုနဲ့ . . . .
မ နေ့ တစ် နေ့ က
နထ္ထိ ကဗျာဆရာ ။

လင်းခေတ်ဒီနို ( 30.11.11 , 12:05 PM )

ကောင်းကင်နဲ့ လွန်ဆွဲတဲ့ သစ်ရွက်ကြွေ . . . .

“ ကောင်းသော ညနေခင်းလေးဖြစ်ပါစေ ”
ကောင်းကင်ဖြူလေးက နှုတ်ဆက်တော့
ကိုယ့် အလွမ်းမြို့လေးတောင်
နေမ၀င်ပဲ ညနက်ခဲ့ရပြီး ။

ကောင်းကင်ရနံ့ကို
မျှော်လင့်ခဲ့တဲ့ သစ်ရွက်ကြွေပါ
ဘ၀က သူ့လက်ခုပ်ထဲမှာပဲ ။
ဆော့ကစားပြီး ခပ်ဖွဖွလေး
မှုတ်ထုတ်ခံလိုက်ရတယ်
. . . . . . . . . .
အမှုန်အမွှားကောင်ပဲလေ
သူနဲ့ ဝေးရာ
မြေပြင်ပေါ်ကို
တိုးတိတ်စွာ
လဲလျှောင်းခဲ့ရပေါ့ ။

အိပ်မက်တွေတောင်
အနုသုခုမ မဆန်နိုင်တော့ဘူး
မိုးမလုံ လေမလုံ ရင်ဘတ်နဲ့
( ဒီ ) အလွမ်းဇာတ်ရုံကြီးထဲမှာ
ကံကြမ္မာက
ဗျတ္တလို ပန်းဆက်ခိုင်းဦးမှာလား ။

ခရေညိုလေးရေ
ကိုယ် တိတ်ဆိတ်စွာ ကျေနပ်လိုက်ပါတယ် ။

( ဒီလိုနဲ့ပဲ )
သူရယ် ကိုယ်ရယ်
မတူတဲ့ ညတွေထဲမှာ
အတ္တကိုယ်စီတွေ လင်းပွင့်ခဲ့ကြတယ် ။

ဝေးသွား . . .
တဖြည်းဖြည်း ဝေးသွားပေါ့ . . .

သူမရှိတဲ့ ညနေခင်းတွေထဲမှာ
ကိုယ်ရယ်
ကဗျာရယ်
စကားလုံးမျက်ရည်တွေ ၀ဲလို့ သည်းလို့ပါပဲ ။

ကိုယ်ဟာ ကောင်းကင်းကိုမှ လွန်ဆွဲမိတဲ့
...............
" သစ် ရွက် ကြွေ "
...............

လင်းခေတ်ဒီနို ( 28.10.11 ၊ 103း0 AM )

စိုးထိတ်ပါသည် ဧရာဝတီ

ကျွန်တော် ဧရာဝတီ မြစ်ဆုံအတွက် ပြောချင်တာ အများကြီးရှိပါတယ် ။ ဒါပေမဲ့ ဒီကနေ့ ၂၃ ရက်နေ့အတွက် ဘလော်ဂါ တော်တော်များများ တင်ထားကြပြီး ဖြစ်တဲ့ ဧရာဝတီအတွက် ပို့စ်တွေကို လိုက်ဖတ်ဖြစ်တော့ ကိုယ်ပြောချင်တာ တော်တော်များများကို သူတို့တွေ ပြောထားကြပြီး ဖြစ်နေတယ် ။ ဒါနဲ့အခု ၂၃ ရက်နေ့ နေ့လည်ထိတိုင်အောင် ကျွန်တော် ဘာရေးရမှန်းကိုမသိခဲ့ဘူး ။ ဒါကြောင့် သူတို့နဲ့ မတူပဲကျန်ခဲ့တဲ့ အချက် အလက်တွေကိုပဲ ကျွန်တော် ရေးသင့်ရေးထိုက်လေးတွေ အဖြစ် စိတ်ထဲ ရှိတာလေးတွေလောက်ပဲ ကျွန်တော် ရေးလိုက်ပါမယ် ။

ပထမဦးဆုံး ဧရာဝတီ မြစ်ဆုံဆည် ကန့်ကွက်ရေးအတွက် ရေးမယ်ဆိုရင် ကိုယ်ဘာလို့ ကန့်ကွက်တာလဲ ဘာကြောင့် ကန့်ကွက်တာလဲ ဆိုတာလေးတော့ ကိုယ့်ကိုယ်ကိုယ် အရင်သိသင့်တယ်လို့ ထင်ပါတယ် ။ ဗိုလ်ချုပ်အောင်ဆန်းပြောသလိုပါပဲ အများယောင်လို့ လိုက်ယောင် အမောင်တောင်မှန်း မြောက်မှန်း မသိရင်တော့ မဖြစ်ချေဘူး ။

ဒါကြောင့် ဘာလို့ကန့်ကွက်ချင်တာလဲ ဘာကြောင့်ကန့်ကွက်ချင်တာလည်း ဆိုတဲ့နေရာမှာတော့ ကိုယ် ကန့်ကွက်မည့် ကိစ္စကို သေသေချာချာ လေ့လာ စူးစမ်းပြီးမှ ဘယ်အချက်ကို ဘယ်ကြောင်းအရင်းကို ကျွန်တော်တို့ ကျွန်မတို့ မနှစ်သက်လို့ ကွန့်ကွက်ပါတယ်ဆိုပီး အချက်ကျကျ ထောက်ပြပြီးမှ ကန့်ကွက်သင့်တယ် လို့ထင်ပါတယ် ။

အရာရာတိုင်းမှာ တဖက်တည်းအမြင်နဲ့ ပြောဖို့ မသင့်ဘူးလို့ ကျွန်တော် ထင်တယ် ။ အခု ဧရာဝတီ မြစ်ဆုံဆည် ကိစ္စမှာ အစိုးရဘက်ရော ပြည်သူတွေ ဘက်ကရော နှစ်ဖက်လုံး လိုအပ်ချက်တွေ ရှိနေခဲ့ကြပါတယ် ။ အစိုးရဖက် က မြစ်ဆုံဆည်နဲ့ ပက်သက်တဲ့ တိကျတဲ့ အချက်အလက်တွေ ၊ ခိုင်မာတဲ့ အကျိုးအကြောင်းတွေ ၊ အကျိုးတူ ပူးပေါင်းဆောင်ရွက်မှုမှာ သူ့ဘက် ကိုယ့်ဘက် ရပိုင်ခွင့်တွေ ၊ နောက်ပြီး ဒီ စီမံကိန်းကြောင့် ဖြစ်ပေါ်လာမည့် သဘာဝ ပတ်ဝန်းကျင် ဆိုးရွားလာနိုင်မှု ပမာဏ အခြေအနေ ၊ စသည် စသည့် အချက်အလက်တွေကို ပွင့်ပွင့်လင်းလင်း ထင်သာမြင်သာအောင် နိုင်ငံသားတွေကို ချမပြပဲ ၊ ကြေငြာမှု မရှိပဲ လုပ်ပိုင်ခွင့် အာဏာ ဆိုတာ မျိုးနဲ့ လုပ်နေတာဟာ ဆိုးရွားတဲ့ အချက်ပါပဲ ။ ဒီမိုကရေစီ နိုင်ငံတည်ဆောက်လိုတယ်ဆိုရင်တော့ နိုင်ငံတော် စီမံကိန်းတွေကို ပွင့်လင်း မြင်သာမှုရှိအောင် ပြည်သူတွေကို ချပြဖို့ လိုကို လိုအပ်ပါတယ် ။ လျှိုဝှက်သင့်တာထက် ပိုလျှိုဝှက်ပြီး လုပ်နေတာတွေက ဒီမိုကရေစီ တည်ဆောက်နေတဲ့ နိုင်ငံတစ်နိုင်ငံမှာ မဖြစ်သင့် မရှိသင့်တော့တဲ့ လုပ်ဆောင်ချက်တွေ ဖြစ်တယ် ။

ပြည်သူတွေဘက်ကလည်း မြှောက်ထိုးပေးလို့ သူများအော်လို့ လိုက်အော်နေမယ့် အစား ဖြစ်နေတဲ့ ပြဿနာကို သေချာ လေ့လာရမယ် ။ ပညာရှင်မဟုတ်ပဲ ဟိုယောင်ယောင် ဒီယောင်ယောင် သိသလိုလို တတ်သလိုလို လုပ်သူတွေရဲ့ စကားထက် တကယ်တတ်တဲ့ ပညာရှင်တွေရဲ့ စကားကိုသာ ယုံကြည်သင့်တယ် ။ ဥပမာ မိုးဇလ ပညာရှင် ဦးထွန်းလွင်လို ပညာကို လက်တွေ့ကျကျ အသုံးချနေတဲ သူတွေရဲ့ စကားကို ယုံသင့်သလို ဟိုဝဘ်ဆိုဒ် ဒီဝက်ဆိုဒ်တွေထဲက ဟိုဟာလိုလို ဒီဟာလိုလို ပြောပြီး မိမိနာမည်မဖော်ပြရဲပဲ အမည်မဖော်လိုသူ ပညာရှင်တစ်ဦး ဆိုပြီး ရေးတဲ့ စာတွေကိုတော့ ဖြစ်နိုင်လား မဖြစ်နိုင်ဘူးလား ဆိုတာကိုတော့ သေချာ လေ့လာသင့်တယ် ။

ကျွန်တော့် သဘောအရဆိုရင်တော့ အစိုးရအဖွဲ့ရဲ့ မှန်ကန် စစ်မှန် တိကျတဲ့ တိုင်းထွားချက်တွေကို ပြည်သူတွေကို ပွင့်လင်းမြင်သာအောင် လုပ်ဖို့ တိုက်တွန်းသင့်တယ် အရင်ဆုံး ကြိုးစားသင့်တယ် လို့ထင်တယ် ။ နောက်ပြီး အစိုးရ အဖွဲ့နဲ့ မပက်သက်တဲ့ သဘာဝ ပတ်ဝန်းကျင်ဆိုင်ရာ ပညာရှင်တွေရှိခဲ့မယ်ဆိုရင် ပြည်သူတွေရဲ့ ရှေ့ကို ထွက်ပြီး တကယ် ဖြစ်နိုင်ချေ တိုင်းထွာ ချက်တွေကို ချပြပေးသင့်တယ်လို့ လည်းထင်ပါတယ် ။

နောက်ပြီး ဒီနေရာမှာ တစ်ချက် ပြောချင်ပါသေးတယ် ။ လျှပ်စစ်ဝန်ကြီး ဦးဇော်မင်း ကိစ္စပါ ။ ဦးဇော်မင်း ပြောသွားတဲ့ အထဲမှာ ဈေးကွက်အရ ပိုလို့ ရောင်းစားတာတွေ ၊ တစ်နိုင်ငံလုံး မဂ္ဂါဝပ် ၁၅၀၀ မကုန်တာတွေ ကျွန်တော် ထည့်မပြောတော့ဘူး ။ ဒါတွေက ကလေးတွေတောင် တွေးတတ်လို့ပါ ။ ပြောချင်တာက ဦးဇော်မင်း ပြောသွားတဲ့ အထဲမှာ ဘယ်သူကန့်ကွက် ကန့်ကွက် ဂရုမစိုက်ပဲ ဆက်လုပ်ဆောင်သွားမယ်လို့ ပြောသွားတဲ့ စကားတစ်ခွန်းကိုပါပဲ ။ ကျွန်တော် မေးချင်တာ ၀န်ကြီးပြောသွားတဲ့ အထဲမှာ ဘယ်သူတွေ ကန့်ကွက် ကန့်ကွက်လို့ ပြောလိုက်တယ်ဆိုတော့ ၀န်ကြီးတို့ စီမံကိန်းကို ကန့်ကွက်နေတာ နိုင်ငံခြားတိုင်းတစ်ပါး သားတွေလား ၊ နိုင်ငံခြားပြည်ပ လုပ်ငန်းရှင်တွေလား ၊ နိုင်ငံတော်ကို တော်လှန်ပုန်ကန်နေတဲ့ မြေအောက် သောင်းကျန်းသူတွေလား ။

ဒီစီမံကိန်းကို ကန့်ကွက်နေတာက လက်ရှိအစိုးရ အဖွဲ့ ကို တင်မြှောက်ထားပါတယ်ဆိုတဲ့ ပြည်သူတွေပါ ။ အစိုးရ အဖွဲ့အနေနဲ့ ပြည်သူတွေ တင်မြှောက်လို့ ဒီအစိုးရအဖွဲ့ ဖြစ်လာတာပါလို့ လက်ခံထားတယ်ဆိုရင်တော့ ၊ ပြည်သူတွေ ရဲ့ ဆန္ဒအစစ်အမှန်ကို အစိုးရ အနေနဲ့ ဂရုတစိုက်ရှိကို ရှိရပါမယ် ။ ပြည်သူတွေရဲ့ ဆန္ဒကို ဂရုမစိုက်ဘူး ဆိုရင်တော့ ပြည်သူ တင်မြှောက်ထားတဲ့ အစိုးရ အစစ်အမှန်မှ ဟုတ်ပါရဲ့လား ။

နောက်တစ်ချက် ၀န်ကြီး ဦးဇော်မင်းပြောသွားတာပါပဲ “ ဧရာဝတီ ရောဂါဆန်း “ လို့သုံးနှုန်းသွားပါတယ် ။ ရောဂါ ဆိုတာ မှန်ရင် ကုသနိင်တဲ့ ဆေးနည်းလမ်းတွေ ရှိပါတယ် ။ ၀န်ကြီးပြောသလို မြစ်ဆုံအရေးဟာ ပြည်သူတွေရဲ့ ရောဂါဆန်း ဆိုတာမှန်ရင် ၊ ဘယ်သူကန့်ကွက် ကန့်ကွက် ဆက်လက်လုပ်ဆောင်သွားမယ် ဘယ်သူမှ ဂရုမစိုက်ဘူးဆိုတဲ အာဏာရှင်ဆန်ဆန် နာတာရှည်ရောဂါသည်တွေ ကိုရော နာမည်တပ် အလွန်တော်တဲ့ဝန်ကြီး ဘယ်လို အမည် နာမ တပ်မှာပါလဲ ။ ပြည်သူတွေရဲ့ ရောဂါဆန်းက ပြည်သူကတင်မြှောက်ထားတဲ့ အစိုးရ အဖွဲ့ရဲ့ ပြည်သူ့ဆန္ဒကို ဂရုစိုက်ဖြေရှင်ပေးမှု ပြည်သူ့အပေါ် အလေးထားမှု ပြည်သူ့ တောင်းဆိုမှုကို လိုက်လျှောပေးရုံနဲ့ ပျောက်သွားနိင်ပေမဲ့ ၊ အာဏာရှင်ဆန်ဆန် နာတာရှည်ရောဂါသည်တွေရဲ့ ရောဂါကိုရော ဘယ်လို အမြစ်ပြတ်အောင် ကုနိင်မှာပါလဲ ။ ဒီပုံစံအတိုင်း ငါ့မြင်း ငါစိုင်း စစ်ကိုင်းရောက်ရောက် လုပ်နေမယ်ဆိုရင်တော့ ပြည်သူတွေရဲ့ ရောဂါဆန်းတွေက တစ်ခုမက တစ်ခုပြီး တစ်ခု ဆက် ဖြစ်နေဦးမှာပါပဲ ။


ဒါကြောင့် ဧရာဝတီ မြစ်ဆုံဆည် စီမံကိန်းကို ကျွန်တော် ကန့်ကွက်တဲ့ အကြောင်းအရင်းတွေကတော့

၁ ။ ။ စီမံကိန်းတည်ဆောက်မည့် တိုင်းထွာချက်တွေ ပွင့်လင်းမြင်သာမှု မရှိခြင်း
၂ ။ ။ ပြည်သူ့တွေရဲ့ ဆန္ဒကို ဂရုစိုက် အရေးတယူ မရှိခြင်း
၃ ။ ။ သဘာဝပတ်ဝန်းကျင် ဆုတ်ယူလာနိုင်မှုကို လစ်လျူးနေခြင်း
၎ ။ ။ စစ်မှန်တိကျတဲ့ အချက်အလက်တွေ ထုတ်ပြန်မှု မရှိခြင်း
၅ ။ ။ ဒေသခံ ပြည်သူတွေအတွက် အကျိုးရရှိနိုင်မှု နည်းခြင်း

ကျွန်တော် သိသမျှ ဒီလောက်နဲ့တင် ကန့်ကွက်ဖို့ လုံလောက်နေပြီ ဖြစ်လို့ ကချင်ပြည်နယ် မြစ်ဆုံဆည် စီမံကိန်းကို ကျွန်တော်

ကန့်ကွက်ပါသည်

အမှန်တော့ ကျွန်တော်ပြောချင်တာ ဒီထက်များပါသေးတယ် ။ ဒါပေမဲ့ ဘလော်ဂါ မောင်နှမတွေ ပြောတာတွေမှာ ကျွန်တော်ပြောချင်တာတွေ တော်တော်များများပါနေပြီးသားဆိုတော့ ကျွန်တော်စိတ်ထဲ ရှိတာလေးတွေ အနည်းအကျဉ်းလောက် ကိုပဲ ထည့်ရေးခဲ့တာပါ ။ ကျွန်တော်တို့ ချစ်မြတ်နိုးတဲ့ ဧရာဝတီမြစ်ကြီး အစဉ် တည်တံ့ပါစေလို့ ဆုတောင်ရင်း . . ။

ခင်မင်စွာဖြင့်
ဗညားရှိန်